Siyaasiga mucaaradka ku ah dowlada federaalka Soomaaliya C/raxmaan C/shakuur Warsame ayaa ugu baaqay dowlada Turkiga in dib u eegis ku sameyso ciidamada ay u tababarto dowlada federaalka Soomaaliya.
Waxa uu sheegay Mr Warsame in ciidamada Turkiga u tababaray Soomaaliya ee loo yaqaan Gor Gor iyo Haramcad loo adeegsaday arimo siyaasadeed gaar ahaan dagaalo ka dhacay magaalooyinka Baydhabo, Dhuusomareeb iyo Baled Xaawo.
“Ciidamada Haramcad & Gorgor waxaa tababaray oo maalgaliyey Dowladda Turkiga, waxaa loo isticmaalay 4 faa iido siyaasadeed oo sababay khilaaf gudaha ah, waxay qayb ka ahaayeen dagaalladii Dhuusamareeb, Baydhabi & Gedo. Waxaan ugu baaqaynaa Turkiga inay dib u eegaan taageeradooda Ciidamadan ayuu yiri”C/raxmaan C/Shakuur.
Hadalka Siyaasigan ayaa kusoo aadaya xili magaalooyinka Dhuusomareeb iyo Balad Xaawo ay ka dhaceen dagaalo ay ku lug lahaayeen ciidamada Haramcad iyo Gor Gor oo ay tababartay dowlada Turkiga.
Xafiiska Shabakada Allbanaadir.com
Muqdisho Somalia
Allbanaadir@live.com
