Waxaa saakay xiran qaar kamid ah wadooyinka muhiimka ah ee magaalada Muqdisho, waxaana wadooyinkaasi la xiray lasoo dhigay ciidamo badan iyo gaadiidka dagaalka oo amaanka xaqiijinaya.
Wadooyinka xiran waxaa kamid ah laamiga Mashquulka badan ee Makka Al Mukarama iyo sidoo kale laamiyo kale, waxaana ciidamada amaanka celinayaan gaadiidka ay wataan dadka shacabka ah .
Sida aan wararka ku helnay wadooyinka magaalada Muqdisho qaarkood ayaa loo xiray munaasabada aas aaska ciidanka asluubta Soomaaliyeed oo maanta lagu qabanayo Muqdisho, munaasabada ayaana la filayaa in madaxda dowlada qaarkood ka qeyb galaan.
Wadooyinka la xiro ee magaalada Muqdisho waxaa dhibaato badan ku qaba shacabka magaalada oon horey loo sii ogeysiin in la xirayo, waxaana inta badan dhacda in dad badan ka habsaamaan shaqooyinka iyo sidoo kale waxbarashada .
Xafiiska Shabakada Allbanaadir.com
Muqdisho Somalia
Allbanaadir@live.com
