Qarax nuuca miinada dhulka lagu aaso ayaa lala eegtay gaari nuuca dagaalka ah oo loo yaqana Cabdille Bille oo marayay laamiga isku xira Isgooska Xoosh iyo Isgooska Ex-Koontarool Afgooye ee magaalada Muqdisho
Sida aan wararka ku helnay qaraxa ayaa haleelay gaariga Cabdi Bille ah , waxaana la sheegay in qaraxaasi khasaaro isugu jira dhimasho iyo dhaawac uu kasoo gaaray ciidankii la socday gaariga qaraxa haleelay.
Ciidamadii qaraxa ka bad baaday ayaa la sheegay in ay rasaas kor u rideen markii uu qaraxa dhacay kadib, waxaana goobta qaraxu ka dhacay gaaray ciidamo kale oo katirsan dowlada oo u gurmaday ciidamada la qarxiyay.
Qaraxyada Miino ee lala eegto ciidanka dowlada ayaa inta badan ka dhici jiray laamiga isku xira Afgooye iyo Muqdisho, waxaana qaraxan maanta daqiiqado kooban saameyn ku yeeshay laamiga isku xira Xoosh iyo Ex-Koontarool Afgooye.
Xafiiska Shabakada Allbanaadir.com
Muqdisho Somalia
Allbanaadir@live.comÂ
