Madaxweynaha Somalia Maxamed C/llaahi Farmaajo iyo Madaxweynaha Maamulka Somaliland Muuse Biixi Cabdi ayaa markii ugu horeysay kulan fool ka fool ah ku yeeshay Magaalada Addis ababa ee dalka Itoobiya sida ay sheegayaan warar lagu kalsoon yahay oo laga helay madaxtooyada Somalia.
Kulankan ayaa waxaa ka shaqeeyey RW Itoobiya Abiy Ahmed, waxayna wararku sheegayaan in Farmaajo iyo Muuse Biixi uu kulankoodu qaatay muddo saacad ku dhow.
Lama oga waxyaabaha ay ka wada hadleen iyo natiijada ka soo baxday kulankan, mana jiro war labada dhinac ay ka soo saareen.
Madaxweyne Farmaajo ayaa Addis ababa u tagay ka qeyb galka shir madaxeedka Midowga afrika ee shalay halkaas ka furmay, iyadoo Madaxweyne Biixina uu halkaas gaaray si uu kulamo ula yeesho madaxda Itoobiya, mana cadda in kulankooda uu horey u qorsheynaa iyo in kale.
La soco wixii ka soo kordha..
Xafiiska Shabakada Allbanaadir.com
Muqdisho Somalia
Allbanaadir@live.com
