Maxkamad kutaala dalka Koonfur Afrika ayaa amar ku bixisay in lasoo xiro Madaxweynihii hore ee dalkaasi Jocob Zuma oo loo heesto dacwado la xariira in uu sameeyay Musuq maasuq intii uu xilka hayay.
Amarka maxkamada ku bixisay in lasoo xiro Madaxweyne hore Jocob Zuma ayaa timid kadib markii uu ka baaqsaday in uu hor yimaado maxkamada oo la filayay in ay qaado dacwada lagu soo eedeeyay.
Qareenada u doodaya Jocob Zuma ayaa sheegay in sababtii uu maanta maxkamada uga baaqday Madaxweynaha ay tahay xaalad caafimaad daro oo lasoo daristay taa oo keentay in uu awoodi waayo in uu maxkamada hortago.
Dhinaca kale Laanta qaran ee arrimaha dacwadda ee dalka Koonfur Afrika ayaa ku doodday in warqaddii muujineysay inuu xannuunsanaa Jocob Zuma ay aheyd mid aan la aqbalin karin maadama ay u muuqatay in taarikhda wax laga badalay.
Madaxweynihii hore ee dalka Koonfur Afrika Jocob Zuma ayaa marar badan maxkamad kasoo hor muuqday, waxaana loo heestaa musuq maasuq uu sameeyay intii uu talada hayay gaar ahaan lacag aad u badan uu guri aad u weyn ku dayactirtay.
Xafiiska Shabakada Allbanaadir.com
Muqdisho Somalia
Allbanaadir@live.com
