Caruur ka kooban Saddex wiil oo hal qoys kasoo wada jeeda ayaa shalay galab ku dhintay Baraag biyaha lagu keydiyo ka dib markii ay ku dhaceen.
Wiilashan ayaa ka dhashay qoys reer guuraa ah oo ku nool deegaan lagu magacaabo Laascaano oo hoos taga degmada Shillaabo gobolka Qoraxey dowlad degaanka Soomaalida.
Labo ka mid ah Wiilasha dhintay ayaa isla dhashay halka kan 3aad uu la ilmo adeer ahaa labada walaalo, waxaana magacyadooda lagu kala sheegay
Xongor Iraad Cabdi Diini oo 7-sano Jir ahaa, Jaamac Iraad Cabdi Diini 6-sano Jir ahaa iyo Saadaq Dhuxul Cali Cabdi Diini oo isna 4-sano jir ahaa.
Meydka seddaxda wiil ee isku reerka ahaa ayaa waxaa barkada ay ku dhaceen ka soo saaray dad biyo u soo doontay oo si lama filaan ah ula kulmay.
Xafiiska Shabakada Allbanaadir.com
Muqdisho Somalia
Allbanaadir@live.com
