Taliska hay’adda Nabad sugida iyo Sirdoonka Qaranka Soomaaliya ayaa war kooban ay caawa soo saartay ku sheegtay in magaalada Muqdisho ku qabteen shabakada kooxda Al Shabaab u qaabilsaneyd qaraxyada.
Warka kasoo baxay Hay’adda NISA ayaa lagu sheegay in howlgal ciidamada Nabad sugida 26-kii ilaa 28-kii ay ka fuliyeen magaalada Muqdisho lagu soo qabtay Shabakad Al Shabaab u qaabilsan qaraxyada iyo maadooyin qaraxyada laga sameeyo.
“Howlgalo qorsheysan oo uu ciidanka Amnigu ka fuliyey Muqdisho 26 ilaa 28 bishaan, ayaa lagu soo qabtey Shabakad qaraxyada u qaabilsan AS, iyo maadooyinka qaraxyada laga sameeyo.Wada shaqaynta shacbka iyo laamaha Amniga waa sababta keentay guushaan” ayaa lagu yiri qoraalka kasoo baxay NISA.
Hay’adda NISA sooma bandhigin magacyada iyo muuqaalka xubnaha la tuhmayo in ay katirsan yihiin Al Shabaab ee lagu qabtay howlgalkan ka dhacay xaafado katirsan magaalada Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
