Maxkamadda sare ee dalka Mareykanka ayaa madaxweyne Donald Trump u ogolaatay inuu dhaqan gelin karo qorshe uu ku doonayo in dadka qaata kaalmada dowladda loo diidi karo sharciga deganaanshaha Mareykanka, inta uu ka soo baxayo xeer kama danbeys ah.
Go’aanka ay maxkamaddu gaartay ayay dowladdu u cuskan kartaa in sharciga loogu diido dadka hela, kaalmooyinka ay ka midka yihiin, caymiska caafimaad, lacagaha cunnada lagu iibsado ee ay dowladdu ku kabto qoysaska dan yarta ah iyo kaalmada guryaha.
Xeerka oo weli ay maxkamaddiisu taagan tahay ayaa waxaa durba ka so hor jeestay kooxaha u dooda xuquuqda dadka dhawaangalka ah.
Qorshahan ayaa haddii la dhaqan geliyo saameyn adag ku yeelan kumanaan qof oo ay ku jiraan Soomaalida dalkaas ku nool qaarkood oo ku nool lacagaha ay dowladu ku kabto qoysaska danyarta ah.
Madaxweyne Trump ayaa mudadii uu xilka hayey soo rogay xeerar ka dhan ah dadka soo galootiga ah ee dalkaas ku nool, isagoo mamnuucay dadka ka yimaada dalal dhowr ah oo ay ku jirto Somalia.
Xafiiska Shabakada Allbanaadir.com
Muqdisho Somalia
Allbanaadir@live.com
