Guddiga doorashada Madaxweynaha Galmudug iyo kuxigeenkiisa ayaa wada diiwaan galinta muharaxiinta, waxaana maanta ay ku egtahay waqtigii dheeraadka ahaa ee la siiyay musharaxiinta si ay isku soo diiwaan galiyaan.
Musharax Madaxweyne Axmed Shire Falagle ayaa maanta iska diiwaan geliyay Guddiga Doorashada Madaxweynaha, waxaana musharaxan durba la siiyay shahaadada cadeyneysa in uu yahay musharax rasmi ah.
Waxaa sidoo kale ilaa caawa la filayaa in ay is diiwaan galiyaan Musharaxiin kale uu ku jiro Musharaxa loo saadaalinayo in uu ku guuleesan doono Xilka Madaxweynaha Galmudug Axmed Qoor Qoor.
Afar Musharax oo horey isbaheysi u sameestay ayaa shaaciyay in aysan ka qeyb galeyn doorashada la filayo in ay ka dhacdo magaalada Dhuusomareeb hadii aan la fulin dalabyo ay soo bandhigeen.
Guddiga qaban qaabada doorashada Madaxweynaha Galmudug ayaa ila ahada diiwaan galiyay hal Musharax oo u taagan xilka Madaxweynaha iyo dhoor Musharax kale oo u taagan xilka Madaxweyne kuxigeenka Galmudug .
Doorashada Madaxweynaha Galmudug iyo kuxigeenkiisa ayaa horey loo shaaciyay in ay dhaceyso 30-ka bishan oo ku beegan maalinta khamiista ah, lamana oga ilaa hada in doorashada waqtigeeda ku dhaceyso iyo in dib u dhac ku imaan doono.
Xafiiska Shabakada Allbanaadir.com
Muqdisho Somalia
Allbanaadir@live.com
