Booliska Magaalada Jowhar ayaa gacanta ku soo dhigay Aabe Wiil uu dhalay xalay ku gowracay magaaladaas, ka dibna baxsaday.
Taliyaha Ciidanka Booliska degmada Jowhar Max’ed Siyaad Cali Canjeex oo faahfaahin ka bixiyey dhacdadan ayaa sheegay in Aabahan markii uu dilay Wiilkiisa uu u baxsaday degaan hoostaga Jowhar.
“Howlgal ay Boolisku sameeyeen ayey ninkani xalay saqdii dhexe ka soo qabteen tuulada Halgan oo ku taalla duleedka magaalada Jowhar halkaasoo aanu xog ku helnay inuu u baxsaday” ayuu yiri taliyaha oo intaas ku daray in ninkan uu haatan ku xiran yahay saldhiga Booliska Jowhar.
Taliyaha ayaa xusay in aabahan ay ku wadaan baaritaano la xiriira waxa sababay inuu Wiilkiisa gowraco, wuxuuna xusay in marka baaritaanku dhamaado ay u gudbin doonaan heyadaha garsoorka.
Dhacdadan oo ugub ku ah magaalada Jowhar ayaa waxaa si weyn uga argagaxay shacabka magaaladaas ku dhaqan oo xalay illaa saaka si weyn u hadal haya.
Xafiiska Shabakada Allbanaadir.com
Muqdisho Somalia
Allbanaadir@live.com
