Ciidanka kumaandoska Soomaaliya ee Danab iyo kuwa Jubbaland ayaa si wadajir ah howlgal uga fuliyey qeybo ka tirsan gobolka Jubbada Hoose, gaar ahaan deegaano ay maamulayeen Al-Shabaab.
Sida aan ku heleyno warka howlgalkan ayaa si gaar ah uga dhacay deegaano howd ah oo hoos taga degmada Jamaame ee gobolka Jubbada Hoose.
Saraakiil ka tirsan ciidanka Jubbaland oo la hadlay warbaahinta ayaa sheegay in howlgalkaas ay ku dileen in ka badan 10 dagaalyahan oo ka tirsanaa Al-Shabaab.
Saraakiisha ayaa sidoo kale sheegay inay Al-Shabaab kala wareegeen gacan ku heynta deegaanada Araare iyo Maleeleey oo muddo ay maamulayeen Al-Shabaab, isla markaana ay howlgalladaas ku soo qabteen qaraxyo u diyaarsanaa Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
