Ra’isul Wasaaraha Australia Scott Morrison ayaa qirtay inuu qaldanaa qaabkii loo maareeyay dabkii ka kacay dalkaas oo weli loo maaro la yahay.
Morrison ayaa cambaareyn kala kulmayay bulshada Australia isagoo lagu eedeeyay qaabka ay dowladiisa u maareysay dabka ka kacay qeybo ka mid ah dalkaas iyo siyaasaddiisa isbeddelka cimilada.
“Waxaa jiray waxyaabo aan si wanaagsan wax uga qaban karay balse aan ka gaabiyey” ayuu yiri Mr Morrison oo warbaahinta la hadlay maanta.
Toddobaadyadii la soo dhaafay, Mr Morrison ayaa cambaareyn kala kulmay shacabka Australia xilli uu booqanayay gobollada ugu daran ee uu dabku ka kacay ee New South Wales iyo Victoria.
Tan iyo bishii September, dab ka kacay Australia ayaa dilay ugu yaraan 28 qof isagoo kumannaan guryo ahna burburiyay.
Xafiiska Shabakada Allbanaadir.com
Muqdisho Somalia
Allbanaadir@live.com
