Waxaa barqadii maanta qarax xoogan oo loo adeegsaday gaari waxyaabaha qarxa laga soo buuxiyay uu ka dhacay Koontarool kuyaala meel ku dhaw Isgooska Sayidka ee magaalada Muqdisho.
Qaraxa ayaa loo adeegsaday gaari waxyaabaha qarxa laga soo buuxiyay waxa uuna qaraxa ka dhacay Koontaroolka laga ilaaliyo Xarunta Madaxtooyada Soomaaliya ee yaala Isgooska Sayidka.
Goobta uu qaraxu ka dhacay ayaa la sheegay in ay taagnaayeen gaadiid sugayay in la hubiyo in ay wadad uga gudbaan, waxaana gaadiidkaasi qaarkood la sheegay in ay la socdeen shaqaale dowladeed.
Khasaaro isugu jira dhimasho iyo dhaawac ayaa ka dhashay qaraxan ka dhacay Isgooska Sayidka, lamana oga ilaa hada khasaaraha dhabta ah ee qaraxaan ka dhashay, mana jiro wax war ah dowlada kasoo saartay qaraxan.
Qaraxa ayaa sababay in ay gubtaan qaar kamid ah gaadiidkii wadada taagnaa iyo kuwa marayay, waxaa sidoo kale qaraxa waxyeelo gaarsiiyay xarumo ganacsi iyo guryo ku yaala halka uu ka dhacay.
Xafiiska Shabakada Allbanaadir.com
Muqdisho Somalia
Allbanaadir@live.com
