Dhalinyaro Soomaaliyeed ayaa siyaabo kala duwan loogu dilay magaalooyin kuyaala dalalka Mareykanka iyo Canada, waxaana socda baaritaano lagu ogaanayo cidii ka dambeesay dilalka loo geestay dhalinyaradaasi.
Wararka aan heleyno ayaa sheegaya in Magaalada Minneapolis ee dalka Mareykanka dil iyo dhaawac loogu geestay labo wiil oo Soomaali ah, wiilashan ayaa laga dhax helay gaari iyada oo mid kamid ah dhintay halka kan kalana uu dhaawac qabay.
Dilka iyo dhaawaca dhalinyaradan ayaa loo adeegsaday mindi ama toorey, lamana oga wali cida ka dambeesay weerarka lagu qaaday dhalinyaradan Soomaaliyeed, waxaana socda baaritaano ay wadaan ciidamada booliiska oo ku aadan dilkan.
“Baabuur ay wateen ayaa laga helay, lamana oga waxa sababay dilka iyo dhaawaca, balse booliska waxay shegeen in wiilashaas la tooriyeeyay, waxayan ay dalbadeen in ciddii wax akhbaar ah ka heysa falkan ay kusoo wargeliyaan”, ayuu yiri Wariye jooga Mareykanka.
Dhinaca kale sadex dhalinyaro Soomaaliyeed ayaa ah isbuucan siyaabo kala duwan loogu dilay Magaalooyiinka Edmanton, Ontario iyo Alberto ee dalka Canada , lamana oga ilaa hada iyana cida fulisay dilalka dhalinyarasan loo geestay.
Dalalka Mareykanka iyo Canada ayaa la sheegaa in mararka qaar dhalinyarada Soomaaliyeed dhaxdooda dilalka isugu geestaan, laamaha amaanka ayaana wax badan ka qaban dilalka ay isku geestaan iyo kuwa loo geesto dhalinyartada Soomaaliyeed.
Xafiiska Shabakada Allbanaadir.com
Muqdisho Somalia
Allbanaadir@live.com
