Guddoomiyaha gobolka Banaadir Ahna duqa magaalada Muqdisho mudane Cumar Maxamud Maxamed (Cumar Filish) ayaa maanta dhagax dhigay dhismaha xarunta degmada Warta Nabada .
Xarunta Degmada Warta Nabada ayaa bur bur xoogan waxa uu kasoo gaaray qarax ismiidaamin ah oo Al Shabaab ku qaadeen 14-kii bishii MAY ee sanadkii hore 2019-ka, waxaana xarunta qaraxaasi ka soo gaaray bur bur xoogan.
Duqa magaalada Muqdisho ayaa sheegay in maamulkiisa diyaar u yahay dib u dhiska xaruntan iyo xarumaha kale ee dadka loogu shaqeeyo, waxa uuna balan qaaday in maamulkiisa wax badan ka qaban doono dib u howlgalinta xarumaha muhiimka ah.
Al Shabaab ayaa weeraro xoogan ku qaaday xarumo degmo oo kuyaala magaalada Muqdisho , waxaana qaar kamid ah xarumahaasi lagu sameeyay dib u dhis halka kuwa kalana ay wali ku socdaan.
Xafiiska Shabakada Allbanaadir.com
Muqdisho Somalia
Allbanaadir@live.com
