Diyaaradaha dagaalka dalka Mareykanka ayaa shalay duqeyn xoogan ka fuliyay deegaanka Kuunyo Barow ee gobolka Shabeelaha Hoose, waxaana Mareykanka war ay soo saareen ku sheegeen in duqeynta la beegsadeen xubno katirsan Al Shabaab.
Warbaahinta afka Al Shabaab ku hadasha ayaa sheegay in duqeynta ka dhacday deegaanka Kuunyo Barow lagu dilay Ganacsade caan ka ahaa deegaankaasi iyo geel daaqayay goobta duqeyntu ka dhacday.
Waxa ay sheegeen in Duqeynta lagu bur buriyay gaari uu watay ganacsade Kuusow Xaaji Maxamad Yuusuf oo goobo ganacsi leh deegaanka Kuunyo Barow, waxa ayna Warbaahinta Al Shabaab sheegeen in duqeynta sidoo kale lagu dilay 12-neef oo geel ah.
War kasoo baxay taliska ciidamada Mareykanka ee Afrika iyo dowlada Soomaaliya ayaa horey loogu sheegay in duqeyta lagu diay xubno katirsan Al Shabaab ay ku jiraan saraakiil sar sare .
Ma jiraan ilo madax banaan oo xaqiijin kara khasaaraha ka dhashay duqeymo saacadihii lasoo dhaafay diyaaradaha dagaalka dalka Mareykanka ka fuliyeen deegaano katirsan gobolka Shabeelaha Hoose.
Xafiiska Shabakada Allbanaadir.com
Muqdisho-Somalia
Allbanaadir@live.com
