Magaalada Muqdisho waxa ay saakay ku waabariisatay musiibo kale oo aad u xanuun badan, waxaa magaalada ka dhacay qarax aad u xoogan oo galaaftay nolosha dad badan oon waxbo galabsan.
Qaraxa oo ahaa mid ismiidaamin ah oo loo adeegsaday gaari waxyaabaha qarxa laga soo buuxiyay ayaa ka dhacay Isgooska Ex-Koontarool Afgooye oo xiligaasi mashquul badan ka jiray kuna sugnaayeen dad aad u badan.
Goobta uu qaraxu ka dhacay ayaa waxaa ka muuqdo bur bur aad u xoogan, waxaana goobta lagu arkayaa dhiig badan iyo hilbaha dadkii ku dhintay kuna dhaawacmay qaraxa qaarkood.
Dadka ku dhintay qaraxa ayaa lasoo sheegayaa in ay ka badan yihiin 30-qof halka dhaawacyadu ku dhaw yihiin 100-qof, waxaana suurto gal ah in khasaaraha inta hada la ogyahay ay kasii bataan.
Isgooska Ex-Coonkarool Afgooye uu qaraxu ka dhacay waxaa booqday Gudoomiyaha gobolka Banaadir , Taliyaha ciidanka booliiska Soomaaliya, masuuliyiin iyo saraakiil ciidan kuwaa oo qiimeenayay khasaaraha qaraxa ka dhashay.
Qaraxan xoogan ee saakay ka dhacay magaalada MUqdisho ayaa kusoo aadaya xili magaalada maalmihii lasoo dhaafay ka nasatay qaraxyadii dhici jiray, waxaana qaraxan uu kamid noqonayaa kuwii ugu khasaaraha badna aee ka dhaca Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
