Warar dheeraad ah ayaa kasoo baxaya Qarax Ismiidaamin oo saakay ka dhacay Isgoyska Ex Kontrool Afgooye ee magaalada Muqdisho gaar ahaan goob gaadiidka looga qaadayay lacagaha canshuuraha.
Gaari waxyaabaha qarxa laga soo buuxiyay ayaa lagu weeraray Isgooska Ex-Coontraool Afgooye gaar ahaan bar ay ciidamada gaadiidka lacagaha canshuuraha ugu qaadaan , waxaana goobta qaraxa ka dhacay ku sugnaa dad aad u badan.
Khasaaro aad u badan oo isugu jira dhimasho iyo dhaawac ayaa ka dhashay qaraxan xoogan, waxaana qaar kamid ah isbitaalada magaalada Muqdisho la dhigay dhaawacyo aad u badan oo qaraxa waxyeelo kasoo gaartay.
Goobjooge ku sugnaa goobta qaraxu ka dhacay ayaa noo sheegay in qaraxu ahaa mid aad u xoog badan, waxa uuna sheegay in uu arkay meydadka dad badan iyo kuwa kale oo ku dhaawacmay qaraxaasi.
Waxii Warar ah ee kusoo kordha qaraxa kala soco Wararkayaga dambe Insha Allah
