Afar qof oo saddex ka mid ah dumar yihiin ayaa ku geeriyooday shil gaari oo xalay saqdii dhexe ka dhacay duleedka bari ee magaalada Garowe.
Waxaa sidoo kale shilkan ku dhaawacmay taliye ku-xigeenkii qeybta booliiska gobolka Nugaal, Cismaan Maxamuud Buraale, kaasoo isbitaalka Garowe lagu daweynayo.
Taliyaha ciidanka nabadgelyada waddooyinka ee gobolka Nugaal, Col. Ismaaciil Xirsi Shirwac (Qabaal) ayaa sheegay in shilku ka dhacay agagaarka tuulada Sinujiif oo Garowe bari ka xigta qiyaastii 60km.
“Xilliga uu shilku dhacayay oo ahayd labadii habeenimo ee saq dhexe ayay dhalinayaradu ka soo laabteen aroos baadiye oo ay ka qeyb galeen, waxaana la rogmaday gaari nooca raaxada oo ay wateen ka dib markii uu si lama filaan ah wadada uga baxay.” ayuu yiri Col. Ismaaciil Xirsi Shirwac (Qabaal)
Maydadka dad dhintay ayaa la geeyey isbitaalka Garowe, halkaasoo ay joogaan dadweyne badan oo isugu jira qoysaskooda iyo axsaabtooda, waxaana la aasi doonaa isla maanta.
Xafiiska Shabakada Allbanaadir.com
Muqdisho Somalia
Allbanaadir@live.com
