Qof ayaa goor dhow lagu dilay magaalada Jowhar ee gobolka Sh/dhexe, iyadoo mid kalena halkaas lagu dhaawacay.
Dilkan ayaa la sheegay iney salka ku hayo falal aargoosi ah oo looga jawaabayo dil saaka askari ka tirsan ciidamada dowlada uu magaaladaas ugu geystay nin kalluumeysato ah.
Haweeney kale ayaa iyana la soo sheegaya in lagu dhaawacay magaalada, iyadoo dilalka dhacay ay isu bedeleen weji qabiil.
Waxaa illaa saaka ka socday magaalada banaanbaxyo looga horjeedo dilka askarigu u geystay ninka kalluumeysatada ah ka dib markii loo diiday lacag baad ah oo uu weydiistay, waxaana baxsaday askariga.
Xaalada magaalada Jowhar ayaa kacsan, iyadoo ciidamada amaanku ay u soo baxeen wadooyinka si ay u xakameeyaan rabshadaha, waxaana la xiray inta badan goobaha ganacsiga, cabsi badan ayeyna dadku dareemayaan.
Xafiiska Shabakada Allbanaadir.com
Muqdisho Somalia
Allbanaadir@live.com
