Ciidamo badan oo Itoobiyaan ah aadna u hubeesan ayaa saacadihii lasoo dhaafay kasoo gudbay xadka ay wadaagaan Soomaaliya iyo Itoobiya gaar ahaan dhinaca Gobolka Galgaduud.
Dadka ku dhaqan deegaano kuyaala xadka Soomaaliya ayaa sheegay in ay arkeen ciidamo badan oo Itoobiyaan ah oo aad u hubeesan, waxa ayna sheegeen in ciidankan joogaan deegaano xadka labada dal kuyaala.
Ciidankan Itoobiyaanka oo la sheegay in aysan katirsaneyn howlgalka nabad ilaalinta ee AMISOM ayaa deegaanada ay soo gaareen waxaa dhawaan ka dhacay dagaalo u dhaxeeyay maleeshiyaad xoolo dhaqato ah iyo ciidamada Libuu booliiska .
Ciidamadan Itoobiyaanka ah ayaan la ogeyn ujeedka ay usoo galeen deegaano kuyaala gobolka Galgaduud gaar ahana dhinaca xadka , waxaana wararka qaar sheegayaan in ciidankan ay adkeenayaan amaanka xadka ay dagaalo ka dhaceen.
Milatariga Soomaaliya ayaa dhawaan gaaray deegaano kuyaala xadka Soomaaliya ay ku dagaalameen Maleeshiyada Liyuu booliiska iyo maleeshiyo xoolo dhaqato ah, waxa ayna milatariga labada dhinac u kala wareejiyeen maxaabiis ay kala qabsadeen.
Xafiiska Shabakada Allbanaadir.com
Muqdisho Somalia
Allbanaadir@live.comÂ
