Sida ay sheegayaan wararka naga soo gaaraya degmada Afgooye ee gobolka Sh/hoose waxaa saaka halkaas lagu dilay askari ka tirsanaa ciidanka canshuur ururinta degmadaas.
Askariga ayaa lagu dilay suuqa degmadaas ka dib markii ay weerar gaadmo ah ku soo qaadeen dabley bastoolado ku hubeysan oo rasaas ku furay.
Goob joogayaal ayaa sheegay in dableyda ay goobta ka baxsadeen markii ay fuliyeen dilka askariga.
Ciidamada amaanka degmada Afgooye oo gaartay goobta uu dilku ka dhacay ayaa qaaday meydka askariga la dilay, iyagoo halkaas ka wada baaritaano.
Dilka askarigan ayaa ku soo aadeysa xili uu degmada Afgooye qeybo ka mid ah uu ku fatahay webiga Shabelle taasoo sababtay iney guryahooda ka barakacaan boqolaal qoys.
Xafiiska Shabakada Allbanaadir.com
Muqdisho Somalia
Allbanaadir@live.com
