Magaalada Dhuusomareeb waxaa heshiis ku gaaray Wasaarada arimaha gudaha iyo federaalka ee Xukuumada Soomaaliya iyo kooxda Ahlu Sunna ee maamusha qeybo kamid ah gobolka Galgaduud.
Wasaarada arimaha Gudaha ayaa u ogolaatay kooxda Ahlu Sunna in Baarlamaanka cusub ku yeelato 20-Xildhibaan , Ahlu Sunna ayaana ogolaatay heshiiska iyo sidoo kale tirada Xildhibaanada la siiyay.
Qoraal kasoo baxay Sheekh Maxamed Shaakir Cali Xasan oo Ahlu Sunna heshiiska u saxiixay ayaa sheegay in ay u tanaasuleyn shacabka Galmudug ayna aqbaleyn heshiiska lagu dhisayo Galmudug loo dhan yahay.
Sheekh Maxamed Shaakir ayaa u mahad celiyay Beesha Caalamka uu sheegay in gacan ka geesatay heshiiskan, waxa uuna ugu baaqay bulshada Galmudug in ay ka qeyb qaataan dib u dhiska iyo Horumarka Galmudug.
Xafiiska Shabakada Allbanaadir.com
Muqdisho Somalia
Allbanaadir@live.com
