Kooxo bastoolado ku hubeysan ayaa caawa degmada Boondheere ee gobolka Banaadir waxay ku dileen wiil Dhalinyaro ah oo goob Istudio ah ku lahaa degmadaas.
Goob-joogayaal ayaa sheegaya in kooxaha dilka geystay ay goobtiisa ganacsi ugu tageen wiilkan ayna halkaas si bareer ah ugu toogteen, iyagoo ka dibna halkaas ka baxsaday.
Wiilkan oo la sheegay inuu caan ka ahaa degmada Boondheere ayaa waxaa lagu naaneysi jiray (Haloo-yeelo).
Dilka ayaa ka dhacay dalcada degmada Boondheere meel u dhow Isbitaalka Soomaali Jarmal, waxaana warar soo baxaya ay sheegayaan in markii hore dhaaawac ahaan loogu qaaday isbitaalka halkasoo uu ku geeriyooday wax yar ka dib.
Ciidamada dowlada ayaa haatan baaritaano ka wada goobta uu ka dhacay dilkan oo ku soo beegmay xili xalay lagu dilay magaalada Muqdisho Macalin Jaamacadeed oo ku sugnaa degmada Dayniile.
Xafiiska Shabakada Allbanaadir.com
Muqdisho Somalia
Allbanaadir@live.com
