Guddoomiyaha gobolka Banaadir ahna Muqdisho mudane Maxamud Maxamed (Cumar Filish) ayaa maanta xariga ka jaray dhismaha laamiga isku isku xira isgoosyada Cali Kamiin iyo Ifka Xalane ee degmada Warta Nabada .
Wadadani ayaa kamid ah wadooyinka hal bowlaha u ah isku socodka gaadiidka iyo bulshada waxeyna hormartaa Tuulada ciyaaraha ee Stadium Muqdisho, waxeyna wadadani kamid tahay wadooyinka uu saameeyay burburkii dalka ka dhacay.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) waxa uu kula dardaarmay bulshada reer Muqdisho in ay ilaashadaan bilicda Caasimadda islamarkaana ay door ka qaatan dib udhiskiisa.
Wadooyin badan oo kuyaala magaalada Muqdisho ayaa lagu sameeyay dib u dhis balaaran, inkastoo ay jiraan wadooyin badan oo wali bur bursan iyo qaar kale oo dib loo dhisay hadana mar kale biyaha roobka bur buriyeen.
Xafiiska Shabakada Allbanaadir.com
Muqdisho Somalia
Allbanaadir@live.com
