Diyaaradaha dagaalka Dowlada Mareykankla ayaa xalay saqdii Dhaxe Duqeyn la beegsaday Deegaanka Mubaarak ee gobolka Shabeelaha Hoose, waxaana deegaankan maamula dagaalyahanada Al Sabaab.
Duqeyntan ayaa lala eegtay Gaari Caasi ah oo la sheegay in ay saarnaayeen Qudaar sidoo kale lagu qarinayay waxyaabaha qarxa, mana jirin cid la joogtay gaarigan xiliga gantaalka ku dhacayay.
Dadka Deegaanka Mubaarak ayaa Warbaahinta u sheegay in ay maqleen guux diyaaradeed kadibna maqleen dhawaqa gantaal culus, waxa ayna sheegeen in gantaalka lala helay Gaari Caasi ah oo qudaar ku rarneyd.
Lama sheegin wax khasaaro ah oo ka dhashay duqeyntan ka dhacday gobolka Shabeelaha Hoose, waxaana duqeynta uu bur buriyay gaariga caasiga ah ee la sheegay in waxyaabaha qarxa lagu qarinayay.
Diyaaradaha dagaalka dowlada Mareykanka ayaa kordhiyay duqeymaha ay la beegsanayaan deegaanada Al Shabaab maamulaan, waxaana duqeynaha qaarkood khasaaro kasoo gaareen dad shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
