Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa maanta xariga ka jaray dhismaha wadada isku xirta Isgoosyada Siinaay iyo Baar-Ayaan ee degmooyinka Warta-Nabada iyo Yaaqshiid.
Laamigan cusub ayaa dib u dhis lagu sameeyay, waxaana dhismahana laamigan iska kaashaday maamulka Gobolka Banaadir , ganacsatada iyo sidoo kale dadka degan hareeraha laamiga iyo xaafadaha ku dhaw dhaw.
Duqa magaalada Muqdisho mudane Cumar Filish ayaa kula dardaarmay bulshada Caasimadda kunool iney xoojiyaan ilaalinta nadaafada iyo bilicda wadooyinka, waxa uuna tilmaamay in dhismaha laamiyada sare u qaadeyso bilicda caasimada.
Xarig jarka wadadan dib u dhiska lagu sameeyay ayaa kusoo aadeysa xili ay bur bureen qaar kamid ah laamiyadii dhawaan laga dhisay Muqdisho halka laamiyada qaarna ay bucaad badan ka kormeer kadib markii la waayay cid nadiifisa.
Xafiiska Shabakada Allbanaadir.com
Muqdisho Somalia
Allbanaadir@live.com
