Wafdigii ay horkacayeen madaxdii hore ee dalka oo maanta gaaray magaalada Beledweyne ayaa hoygiisa ku booqday Ugaas Xassan Ugaas Khaliif.
Wafdigan oo ay horkacayeen madaxweynayaashii hore ee Soomaaliya Xassan Sheekh Max’uud iyo Shiikh Shariif Shiikh Axmed ayaa kulan ay la qaateen Ugaas Xassan kala hadlay dhibaatooyinka ka jira gobolka gaar ahaan magaalada Beledweyne oo dhawaan ay ku dhuftay Fatahaadii ugu saameynta badneyd taariikhda
Waxyaabaha diirada lagu saaray kulanka ayaa waxaa ka mid ahaa sidii loo dardargalin lahaa gargaarka la gaarsiinayo dadka ay saameynta adag ku yeelatay Fatahaadda ee u barakacay daafaha magaalada.
Ugaas Khaliif ayaa wafdiga warbixin ka siiyey xaalada magaalada Belad-weyne iyo saameynta ka dhalatay fatahaadaha, isagoo uga mahad celiyey booqashada ay ugu yimaadeen iyo kaalmada ay ugu talo galeen dadka reer Belad-weyne.
Xafiiska Shabakada Allbanaadir.com
Muqdisho Somalia
Allbanaadir@live.com
