Xildhibaan Sacdiya Salaad Samatar oo kamid ah golaha shacabka ee baarlamaanka Soomaaliya ayaa ku eedeysay xukuumada federaalka iney dalka Itoobiya ku xirtay guddoomiyeyaasha degmooyinka Luuq, Beledxaawo iyo Doolow ee gobolka Gedo.
Waxay intaas ku dartay in cadaeymo loo hayo xarigooda iney ka dambeysay dowlada Somalia, iyadoo arrintaas ku tilmaantay arrintaasi mid laga xumaado, waxayna ka dalbatay madaxda dowladda federaalka inaysan awood u adeegsan muwaadiniinta Soomaaliyeed.
“Dowladda waxay horay ay Itoobiya ugu dhiibtay Qalbi-dhagax, haatanna waxay ku dartay guddoomiyeyaasha degmooyinka Luuq Beledxaawo iyo Dooloow oo maalintii shalay aheyd ay xireen ciidamada Itoobiya” ayey tiri xildhibaanada
Sidoo kale Xildhibaan Sacdiya ayaa madaxweyne Farmaajo ku eedeysay inuu wato dowladda Itoobiya, waxayna tilmaamtay in xiligan dalka lala wareegay, iyadoo xustay in sababta loo xiray masuuliyiintan ay tahay taageero ay u muujiyeen Wasiirkii amniga Jubbaland Cabdi janan oo Muqdisho ugu xiran dowlada.
Ma jiro war ka so baxay dowlada Somalia oo jawaab u ah eedeymahan, sidoo kale ma jiraan warar madax banana oo xaqiijinaya ama beeninaya xariga xildhibanadu sheegtay in loo geystay masuuliyiintan.
Xafiiska Shabakada Allbanaadir.com
Muqdisho Somalia
Allbanaadir@live.com
