Hay’ada Khayriga ah ee Kalkaal Hospital Foundation ayaa baaris iyo Talaalka Hepititis B si lacag la’aan ah ugu sameysay ardayda Agoonta ah ee ku xaraysan Iskuulada Axmed Guray , Maxamuud Xarbi ,iyo Qaybaha Markasyada Al-salaam iyo Daarul-Hudaa .
Ardayda agoonta ah ee loo sameeyay baarista iyo Talaalka lacag la’aanta ah ayaa tiradoodu gaareysay 300 oo arday, waxa ayna ka faa’iideesteen qeybta 1-aad talaalkan oo ahaa mid bilaash ah.
Dr Abdulkadir Farah Mohamoud (Dr Haji) oo ah Gudoomiyaha Hay’ada Kheyriga ah ee Kalkaal Hospital Foundation ayaa sheegay in talaalkan iyo baarista lacag la’aanta ah ugu tala galeen ardayda agoonta ah ee ku xareesan iskuuladan kuyaala Muqdisho.
Gudoomiyaha Hay’ada Kheyriga ah ee Kalkaal Hospital Foundation ayaa balan qaaday in si lacag la’aan ah ardayda Agoonta ah ay u dhamaystiri doonaan qeybta Talaalka 2aad iyo 3aad ee Hepititis B.
Hay’ada Kheyriga ah ee Kalkaal Hospital Foundation ayaa horey qaliin lacag la’aan ah ah ugu sameysay boqolaal caruur ah oo faruurnaa, waxa ayna Hay’adan u taagan tahay caawinta dadka masaakiinta ah aan awoodin baaritaanada iyo daaweynta ,
Xafiiska Shabakada Allbanaadir.com
Muqdisho Somalia
Allbanaadir@live.com
