Dhowr Gantaal ayaa lagu weeraray magaalada Riyaad ee caasimada wadanka Sacuudiga iyadoo laga maqlay qaraxyo waaweyn daafaha magaaladaas.
Ugu yaraan afar Gantaal oo ay soo rideen kooxda Xuuthiyiinta shiicada ah ee dalka Yeman ayaa la sheegay inay ka hortageen difaacyada Sacuudiga iyagoo ku burburiyey hawada.
Ma jiraan illaa hadda wax khasaare ah oo ka dhashay gantaalahan lagu weeraray Magaalada Riyaad, iyadoo kooxda Xuuthiyiinta ee taageerada ka hesha Iran ay horey weeraro kan la mid ah ugu qaadeen Sacuudiga.
Sidoo kale, kale subaxnimadii saaka dayuurad aan duuliye laheyn ayey ciidamada Sacuudiga ku soo rideen agagaarka Garoonka Dayuuradaha magaalada Abha oo ku taalla koonfurta Sacuudiga.
Xafiiska Shabakada Allbanaadir.com
Muqdisho Somalia
Allbanaadir@live.com
