Waxaa goordhaw magaalada Dhuusomareeb ee caasimada maamulka Galmudug gaaray Guddiga Farsamada iyo maamul dhisida Galmudug oo dhawaan ay magacawday Wasaarada arimaha guddaha iyo federaalka.
Guddigan waxaa garoonka diyaaradaha magaaada Dhuusomareeb kusoo dhaweeyay masuuliyiin katirsan dowlada federaalka oo horey magaaladaasi ugu sugnaa, xubno katirsan maamulka Galmudug iyo qeybo kamid ah bulshada ku dhaqan Dhuusomareeb.
Waxaa la filayaa in guddigan dowlada federaalka magacawday in ay si deg deg ah u doortaan hogaan ayna guda galaan howlahaha loo igmaday ee ah in ay soo dhisaan Galmudug loo dhan yahay.
Tagitaanka guddigan ee magaalada Dhuusomareeb ayaa kusoo aadeysa xili uu jiro khilaaf u dhaxeeya Wasaarada arimaha gudaha iyo Ahlu Sunna , khilaafkan ayaana ka dhashay guddigan ay dowlada magacawday.
Madaxa Xukuumada Galmudug Sheekh Shaakir ayaa shalay magaalada Dhuusomareeb isna kaga dhawaaqay guddi kale oo agaasima doorashada Galmudug, waxa ayna arintaas uga sii dartay khilaafkii horay uga jiray dhismaha Galmudug loo dhan yahay.
Xafiiska Shabakada Allbanaadir.com
Muqdisho Somalia
Allbanaadir@live.com
