Madaxweynaha Ruushka Vladimir Putin oo booqanaya dalka sacuudiga ayaa Boqor Salman bin Abdulaziz gudoonsiiyey hadiyad yaab leh oo Shimbir nooceeda uu dhif yahay oo laga helo Ruushka.
Shimbirtan oo u eg sida gorgorka ayaa lagu magacaabaa Arctic falcon waxaana laga helaa gacanka Kamchatka ee ku yaalla bariga fog ee dalkaas.
Waxaa jira kumannaan xabo oo ka mid ah shimbirkan, wuxuuna halis ugu jiraa inuu dabar go’o, iyadoo Muuqaal lagu shaaciyay telefishinnada ruushka iyo Sacuudiga iyo qaar ka mid ah baraha bulshada laga arkayay boqor Salman oo u muuqda inuu la dhacsan yahay hadiyadan aan caadiga aheyn
Waxaa la filayaa in hoggaamiyaha Ruushka uu Sacuudiga uga sii gudbo waddanka Isutagga Imaaraadka Carabta, si uu u sii xoojiyo xiriirka ka dhaxeeya dalalka bariga dhexe iyo ruushka.
Booqashada uu Putin Isniintii ku tagay Sacuudiga ayaa ahayd tii ugu horreysay ee uu halkaas ku gaaro tan iyo sanadkii 2007-dii.
Xafiiska Shabakada Allbanaadir.com
Muqdisho Somalia
Allbanaadir@live.com
