Kooxo biskoolado ku hubeesan ayaa barqadii maanta inta u dhaxeysa Isgoosyada Siinay iyo afarta Darjiino waxa ay ku dileen nin dhalinayro ah oo la sheegay in uu ahaa injineer ka shaqeeya cilad bixinta korontada.
Goobjoogayaal ayaa ku waramay in kooxo biskoolado watay ay mooto ku horjareen ninka la dilay oo isna watay mooto nuuca Fekon-ta loo yaqaan, waxa ayna la dhaceen dhoor xabadood oo sababtay in ninkaasi geeriyoodo.
Kooxihii hubeesnaa ee fuliyay dilka ninka dhalinyarada ayaa goobta si deg deg ah uga baxsaday, lamana oga sababta ilaa hada loo dilay ninkan dhalinyarada ah oo caan ka ahaa degmada Boondheere.
Ma jirto ilaa hada cid sheegatay masuuliyada dilkan maanta ka dhacay magaalada Muqdisho, laamaha amaanka dowlada Soomaaliya ayaa sidoo kale ka hadlin dilkan ninka dhalinyarada ah loo geestay.
