Wasiirka Wasaaradda Arrimaha Gudaha iyo Dowladaha Hoose ee Maamul Goboleedka Hir-Shabeelle ayaa wareegto uu soo saaray xilka looga qaaday Gudoomiyihii iyo Duqii degmada Buulo Burte ee gobolka Hiiraan.
Wareegtada ayaa xilka looga qaaday Guddoomiyihii degmada Buulo-Burde C/Casiis C/llaahi Cabdi (Duuroow) iyo duqii degmadaas Maxamed Fiidow Cawaale, waxaana wareegtada lagu magacaabay Gudoomiye KMG ah.
Sida aan wararka ku helnay xil ka qaadista ayaa timid kadib markii masuuliyiintan ka biyo diideen in Golle Deegaan loo sameeyo Degmada Buulo Burte, waxa ayna codsadeen in marka hore Golle deegaan loo dhiso magaalada Baladweyne.
Xiisad ka dhalatay xil ka qaadista Gudoomiyah iyo Duqa degmada Buulo Burte ayaa laga dareemayaa degmadaasi, labada masuul ayaana la sheegay in aysan raali ka aheyn xil ka qaadista lagu sameeyay.
