Ciidamo katirsan milatariga Soomaaliya gaar ahaan qeybta 21-aad ayaa si buuxda ula wareegay deegaaka Camaara ee gobolka mudug, deegaankaan oo la sheegay in horey u joogeen kooxda Al Shabaab.
Ciidanka la wareegay deegaanka Camaara waxaa hogaaminayay taliyaha qeybta 21-aad ee ciidanka milatariga Janaraal C/Casiis C/llaahi(Qooje) ,waxaana gaadiidka dagaalka ay wataan ciidankan lagu arkayaa xaafadaha kala duwan ee deegaanka Camaara.
Janaraal C/Casiis C/llaahi(Qooje) ayaa sheegay in ciidanka milatariga aysan ku ekaan doonin deegaanka Camaara balse horey usii socon doonaan si ay Al Shabaab uga saaraan deegaanada ay kale wali joogaan.
Ciidanka milatariga Soomaaliya gaar ahaan qeybta 21-aad ayaa mudooyinkii lasoo dhaafay isku diyaarinayay howlgalo qorshesan ay ka fuliyaan deegaano iyo degmooyin katirsan gobolada Galgaduud iyo Mudug ay maamulaan Al Shabaab.
