Xilligaas, awoodda militariga Soomaaliya ayaa xoogeysatay, waxaana jirtay in midowgii Soviet ay ku sugnaayeen Muqdisho iyo Yaman, taas oo cabsi weyn ku beertay Jomo Kenyatta.
Kenya, sida qiimeyntii xilligaa ka muuqatay ay ahayd, waxay militarigeeda ugu baahnayd £150 milyan oo maalgelin ah.
Balse waxay xilligaas Kenya awoodday £20 milyan oo pound oo keli ah, taas oo boqolkiiba 90% ay bixineysay Britain, si deyn ahaan ah.
Khiyaanada
Balse, Harold Wilson, ka hor inta uusan isku deyin in uu caawiyo Kenyatta ayuu xilka iska casilay, 16 Bishii March, 1976.
Iscasilaaddiisa oo ka dhalatay ol’ole isaga ka dhan ahaa oo lagu fadeexeeyay, waxay sababtay in uu Ra’iisul Wasaare noqdo James Callaghan.
Kenyatta, wuxuu mar kale aad u doonayay in Callaghan uu ogaado isfahamkii Bamburi, wuxuuna 14 bishii May 1976-dii u diray London Njonjo oo la kulmay Callaghan. Waxay ahayd arrin degdeg ah.
Callaghan wuxuu xilka hayay laba bilood uun, waxaana miiskiisa ka buuxay warqadaha siyaasadda dibadda iyo dalalka Barwaaqa Sooranka oo ay ka mid ahayd – “isfahamkii Bamburi”.
Ugu dambeyn
Qoraalkaas waxaa hadda lagu keydiyay xarunta xusuusdhigga ee Kew Gardens — waana warqad muhiim u ah waxa Britain ay ka aaminsanayd khilaafkii Kenya kala dhexeeyay Soomaaliya, ama damaanad qaadka sirta ah ee Jomo Kenyatta uu u helay Soomaaliya.
Waxa aan arrimaha oo dhan ka aragno waa in isfahamkii Bamburi uu ka dhashay xiriirka hadda ee Kenya iyo UK iyo in dad yar oo saaxiibbo ah ay si sir ah u hayeen faafaahinta.
Nuxurka marka laga eego, arrinta Soomaaliya waxay Kenyatta u fududeysay inuu dhiso xiriirkiisii Britain. Balse haddii uusan waxba ka heli lahayn, waxaa suuragal ah in Kenya ay sannado ka dib u wareegi lahayd dhanka Mareykanka, ayna kaalmo militari waydiisan lahayd.
Uhuru Kenyatta ayaa hadda wajahaya madax xanuun kale oo Soomaaliya kaga imaanaya, kaas oo aabihii uu kala kulmay. Haddaba muxuu sameyn karaa?
Xigasho BBC
Xafiiska Shabakada Allbanaadir.com
Muqdisho Somalia
Allbanaadir@live.com
