Ciidanka Millateriga Soomaaliya ayaa maanta howlgal Miino baaris ah ka sameeyey degaano ka tirsan gobolka Sh/hoose gaar ahaan wadada isku xirta degmada Aw-dheegle iyo degaanka Bariire.
Howlgalkan ayaa lagu soo saaray miinooyin ay dagaalyahano ka tirsan Al-Shabaab geliyeen wadadaas sida ay sheegeen Saraakiisha hogaamineysay howlgalka oo la hadlay warbaahinta.
Saraakiishu ma shaacin dad lagu soo qabqabtay howlgalka, balse waxay soo bandhigeen Miinooyin waaweyn oo ay ka soo saareen wadada isku xirta degmada Awdheegle iyo degaanka Bariire oo si weyn loo isticmaalo.
Al-shabaab oo dhowaan lagala wareegay degmooyinka Aw-dheegle, Bariire iyo meelo kale ayaa isku dayeysa iney carqaladeyso isku socodka ciidamada dowladda si ay ugu qasbaan iney isaga baxaan degaanadaas.
Xafiiska Shabakada Allbanaadir.com
Muqdisho Somalia
Allbanaadir@live.com
