Ciidamo ka tirsan Xoogga dalka ayaa galabta laga dajiyay degmada Baardheere ee gobolka Gedo, kuwaasoo hordhac u ah ciidamo kale oo dowladdu ku daad gureyso gobolka Gedo maalmaha soo socda.
Sida warku sheegayo ciidamada galabta laga dajiyay Baardheere ayaa tiro ahaan gaaraya 30 askari oo saraakiil u badan, waxayna saraakiisha hogaaminaysa sheegeen in ciidamada kale ee lagu daabulayo gobolka Gedo ay maalmaha soo aadan gaari doonaan halkaas.
Talaabadaan dowladda federaalka ciidamada ku geyneyso Baardheere ayaa lagu sheegay inay hor dhac u tahay diyaargarow loogu jiro sidii loo xoreyn lahaa gobolka Jubbada dhexe gaar ahaan magaalada Bu’aale ee xarunta gobolkaas oo ay gacanta ku hayaan Al-Shabaab in badan 10 sano.
Gobolka Jubada dhexe oo ka kooban sadex degmo oo kala Jilib, Saakow iyo Bu’aale oo ah gobolka kaliya ee ay si buuxda gacanta ugu hayaan Al-shabaab, marka loo eego 18-la gobol ee Somalia ka kooban tahay.
Xafiiska Shabakada Allbanaadir.com
Muqdisho Somalia
Allbanaadir@live.com
