Qoysaska dadkooda ku waayay labadii shil ay diyaaradda Boeing 737 Max gashay ee ka kala dhacay Itoobiya iyo Indonesia ayaa la siinaya lacag magdhaw ah oo ay shirkaddu bixineyso.
Qoys kasta waxaa uu heli doonaa lacag gaareyso $144,500 (Boqol afartan iyo afar kun iyo shan boqol oo dollar) sida lagu sheegay qoraal shirkadu soo saartay.
Lacagtan ayaa ah mid shirkaddu ay qoondeysay taasoo gaareyso 50 Milyan oo doolar, sida ay shaaca ka qaaday shirkadda Boeing bishii July.
Shirkadda ayaa hadda ku howlan raadinta iyo xaqiijinta qoysaska ay ka baaxeen dadkii ku naf waayey shilalkaas, waxaana ka mid ah dad Soomaali ah.
In ka badan 340 qof oo rakaab aha ayaa ku dhintay markii ay burburtay diyaaradda Boeing, shilalkaas oo ka kala dhacay Itoobiya bishii Maarso iyo Indonesia bishii Oktoobar ee sannadkii lasoo dhaafay.
Xafiiska Shabakada Allbanaadir.com
Muqdisho Somalia
Allbanaadir@live.com
