Hay’adda duulista Rayidka Soomaaliyeed SCAA ayaa soo saartay amar culus oo ku socda Shirkaddaha diyaaradaha ee u duula Magaalada Kismaayo.
Qoraal ka soo baxay heyadda ayaa lagu amray shirkadaha dayuuradaha iney 24-saacadood ka hor soo ay dalbadan fasaxa ah inay u duuli karaan Magaalada Kismaayo.
Sidoo kale waxaa la sheegay in Hay’adda duulista Rayidka Soomaaliyeed SCAA ay diyaarisay Foom ay buuxin doonaan Shirkadda diyaaradaha ee doonaya inay dadka u qaadan Kismaayo.
Hay’adda Duulista Hawada Soomaaliya ayaa sheegtay in Diyaaradaha ku socda Kismaayo, ay soo dalbadaan Ogolaansho gaar ah laga bilaabo 22 Bishan iyo 30 Bishan.
24 Bishan ayaa lagu Wadaa in Magaalada Kismaayo, ay ka dhacdo Caleema Saarka Axmed Madoobe, iyadoo Amarkan u muuqda mid lagu carqaladeynayo wufuuda ka qeyb galaysa munaasabada caleemo saarka.
Dhawaan ayay aheyd markii Wasaaradda Gaadiidka iyo Duulista Hawada Soomaaliya ku amartay dayuuradaha ka yimaada iyo kuwa u duulaya Magaalada Kismaayo inay soo maraan Garoonka Aadan Cadde.
Xafiiska Shabakada Allbanaadir.com
Muqdisho Somalia
Allbanaadir@live.com
