Wasiirka Arrimaha Dibadda iyo iskaashiga caalamiga, Axmed Ciise Cawad ayaa ku qaabilay Muqdisho safiirka China u fadhiya Soomaaliya, Mudane Qin Jian, iyadoo laga wada hadlay xoojinta xiriirka laba geesoodka iyo iskaashiga labada dal iyo labada shacab ee saaxiibada ah u dhexeeya.
Isagoo tilmaamaya qoto-dheeraanta xiriirka Soomaaliya iyo Shiinaha, waxa uu wasiirku bogaadiyay deeqaha waxbarasho ee Shiinaha uu siiyo ardayda Soomaaliyeed iyo barnaamijyada tababar ee diblomaasiyiinta iyo shaqaallaha rayidka Xukuumadda Federaalka si ay u kobciyaan xirfaddooda, howlgudashadooda iyo u adeegiddooda shacabka.
Wasiir Cawad ayaa ugu baaqay China in iskaashi ballaaran iyo maalgeshi laga sameeyo dhinacyo kala duwan oo horumarin ah si dalka dib u dhis loogu sameeyo.
Xafiiska Shabakada Allbanaadir.com
Muqdisho Somalia
Allbanaadir@live.com
