Magaalada Garoowe ee xarunta maamulka Puntland ayaa si weyn amnigeeda loo xoojiyey, iyadoo maalmaha soo socda la filayo in halkaas lagu qabto shirweyne looga hadlayo maalgeshiga.
Waxaa Magaalada Garowe ka dhaqan galay awaamiir ka soo baxay Taliska ciidanka Booliska ee Maamulka Puntland kuwaasoo la xiriira xaqiijinta amaanka.
Waxaa ka mid ahaa awaamiirtan inaan wax hub ah lagu dhex wadan Karin bartamaha Magaalada marka laga reebo ciidanka amaanka.
Taliyaha Ciidamada Booliska Puntland Muxuyadiin Axmed Muuse ayaa ugu baaqay shacabka magaalada Garoowe iney la shaqeeyaan ciidanka Booliska, isagoo ilaalada la socota masuuliyiinta ku sugan Garoowe ka codsaday iney aqoonsigooda tusiyaan ciidanka amaanka marka la weydiiyo si loo hubiyo.
Garowe ayaa ka mid ah magaalooyinka ugu amniga fiican Somalia, waxaana magaaladaas oo xarun ah u ah maamulka Puntland aad ugu yar falalka amni darada ah sida dilalka iyo qaraxyada.
Xafiiska Shabakada Allbanaadir.com
Muqdisho Somalia
Allbanaadir@live.com
