Labo qarax oo isxigay ayaa ciidamo ka tirsan kuwo AMISOM lagula beegsaday degaanka Buurane oo ka tirsan degmada Mahadaay ee gobolka Sh/dhexe.
Ciidamada la qarxiyey ayaa ku sugnaa agagaarka saldhig ay ku leeyihiin degaanka Buurane, waxaana la sheegay in qaraxa koowaad uusan geysan khasaare badan balse qarax labaad ayaa ka dhacay goobta markii ay gaareen ciidamo gurmad ah, kaasoo geystay khasaare badan.
“Markii uu dhacay qaraxa hore waxaa goobta yimid ciidamo gurmad ah ka dibna waxaa dhacay qarax kale, sida muuqatana qaraxa dambe waxaa uu shaa mid lagu shirqoolayey ciidamada ku baxay qaraxii hore” ayuu yiri goob jooge halkaas ku sugnaa.
Ugu yaraan afar askari oo ka tirsan ciidamada AMISOM ayaa ku geeriyooday qaraxa labaad, halka qaar kale ay ku dhaawacmeen sida ay sheegeen dad goob joogayaal ah.
Qaraxyada ka dibn ciidamada AMISOM ayaa degaanka ka sameeyey howlgalo lagu soo xirxiray dhalinyaro looga shakisan yahay iney ku jiraan kuwii ka dambeeyey labada qarax ee halkaas ka dhacay.
Xafiiska Shabakada Allbanaadir.com
Muqdisho Somalia
Allbanaadir@live.com
Hoos ka Daawo Muuqaalka wararka Shabakadda Allbanaadir Online 24 saac kasta
