Qoraal kasoo baxay Xafiiska Wakiilka Midowga Afrika u qaabilsan Soomaaliya ahna Madaxa Ciidamada AMISOM Amb. Francisco Madeira ayaa looga hadlay xaalada Siyaasadeed ee dalka ka taagan gaar ahaan khilaafka ka dhax aloosan Baarlamaanka Federaalka.
Warka Qoraalka ah ee kasoo baxay AMISOM ayaa lagu sheegay Midowga Afrika iyo AMISOM tixgelinayaan madax banaanida shacabka Soomaaliyeed, ayna qirayaan xuquuqdooda iyo kalsoonida buuxa ee ay ku qabaan hoggaankooda si looga hortago caqabadaha oo ay ku jirto siyaasadda xilligan taaggan ee laba u kala qeybiyay Aqalka hoose.
Midowga Afrika ayaa sheegay in ciidamada AMISOM ay faragaliyeen xiisadii ka taagneyd xarunta Baarlamaanka maalinta arbacada iyaga oo kaashanaya ciidamada amaanka dowlada Soomaaliya.
Qoraalka kasoo baxay Midowga Afrika ayaa sidoo kale lagu sheegay in AMISOM aysan awood u laheyn inay amar dul dhigto shacabka Soomaaliyeed iyo run ahaantii Baarlamaanka oo la xiriira habka ay howshooda u qabsanayaan.
Waxaa sidoo kale qoraalka lagu sheegay in ciidamada AMISOM aysan gacanta ku heyn karin xarunta golaha shacabka, waxaana Midowga Afrika sheegeen hadii ay hay’adaha amaanka Soomaaliya codsadaan in AMISOM gacan ku siinayaan sugida amaanka.
Hadalka kasoo baxay Midowga Afrika ayaa kusoo aadaya xili Khilaaf xoogan uu ka dhax jiro Baarlamaanka Soomaaliya sidoo kale taliyaha Ciidamada AMISOM arbacadii shaaciyay in xarunta golaha shacabka la wareegayaan inta xal laga gaarayo khilaafka Baarlamaanka.
Xafiiska Shabakada Allbanaadir.com
Muqdisho Somalia
Allbanaadir@live.com
