Dowlada Kenya ayaa baadi goob ugu jira dagaalyahano katirsan Al Shabaab oo la rumeesan yahay in gudaha dalkaasi ku sugan yihiin, waxaana war kasoo baxay booliiska Kenya lagu sheegay in ragaasi abaabulayaan weeraro.
Booliiska Kenya ayaa sheegay in ay heleen xog ku aadan in 8-dagaalyahan oo katirsan Al Shabaab ay abaabulayaan weeraro ka dhaca gudaha Kenya, waxa ayna booliiska ragan soo bandhigeen magacyadooda.
War kasoo baxay booliiska Kenya ayaa shacabka looga dalbaday in ay soo wargaliyaan booliiska hadii ay helaan xog ku aadan ragan katirsan Al Shabaab, waxaana loo balan qaaday qofkii keena xogta ragan midkiiba la siin doono lacag dhan 20-Kun oo Dollar.
Afhayeenka Booliska Wadanka Kenya ayaa sheegay in shaqsiyaadka la baadi goobayo ay ku dhuumaaleysanayaan degaano ka tiran Gobolka Waqooyi Bari oo ay ka mid yihiin Khadiija Xaaj iyo Qumbi-dhaam, doonayaana in ay geystaan falal ka baxsan amniga.
Halkan ka Akhriso Magacyada ragan lacagta madaxooda la dul dhigay
1-Isaaq Caliyow Maxamed,
2- Raxiim Maxamed Sheekh,
3- Bashiir Xareed Xuseen,
4-Bashiya Aadan Cusmaan Kulu
5- C/rashiid Ibraahim Aadan Cusmaan
6 Siyaad Ibraahim C/laahi
7- Cabdi Maxamed Ibraahim
8- Maxamed Maxamuud Maxamed
Xafiiska Shabakada Allbanaadir.com
Muqdisho Somalia
Allbanaadir@live.com
