Diyaaradaha dagaalka dowlada Mareykanka ayaa maanta oo talaado ah duqeyn dhinaca cirka ah ka fuliyay duleedka degmada Jilib ee gobolka Jubada Dhaxe.
War kasoo baxay taliska ciidamada Maraykanka ee Afrika ayaa lagu sheegay in duqeynta lala beegsaday dagaalyahano katirsan kooxda Al Shabaab oo ku sugnaa duleedka Jilin.
Milatariga Mareykanka ayaa sheegay in duqeynta lagu dilay xubin katirsan Al Shabaab oo magaciisa la shaacin, waxaana taliska Mareykanka ee Afrika sheegeen in duqeynta aysan waxyeelo kasoo gaarin dadka shacabka.
Dowlada Mareykanka ayaa xoojisay duqeymaha diyaaradahooda ka fuliyaan deegaanada ay Al Shabaab ka maamulaan qaar kamid ah gobolada dalka, waxaana duqeymahaasi khasaaro kasoo gaaraan dad shacab ah iyo xubno katirsan Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
Hoos ka Daawo Muuqaalka wararka Shabakadda Allbanaadir Online 24 saac kasta
