Howlgallo ay ciidamada Xoogga dalka ka sameeyeen xadka labada Shabeelle ayay kula wareegeen degaanno ay ku sugnaayeen Al-Shabaab.
Meelaha ay ciidamadu kala wareegeen Al-shabaab waxaa ka mid ah tuulooyinka Kaxarey, Busley iyo kuwo kale oo ku yaalla xuduuda gobollada Shabeellada hoose iyo Shabeellaha dhexe.
Taliyaha Ururka 35aad, guutada 7aad, qeybta 60aad ee Ciidanka Xoogga dalka, G/sare Cali Cabdullaahi Caraaye (Foofoo) oo la hadlay Warbaahinta ayaa sheegay inay la wareegeen dhammaan tuulooyinkaas, isagoo tilmaamay inay sii wadi doonaan howlgalada ka dhanka ah argagixisada sida uu yiri.
Taliyaha ayaa sheegay inay gubeen gaadiid ay lahaayeen al-shabaab, isagoo xusay in Ciidamadu tuulooyinka ay xoreeyeen ay shacabka si weyn u soo dhaweeyeen Ciidamada Qaranka.
Xafiiska Shabakada Allbanaadir.com
Muqdisho Somalia
Allbanaadir@live.com
Hoos ka Daawo Muuqaalka wararka Shabakadda Allbanaadir Online 24 saac kasta
