Isgoyska KM4 ee Magaalada Muqdisho gaar ahaan wadada u leexata Garoonka Dayuuradaha Aadan Cadde. ayaa waxa goor dhow xiligii lagu jiray salaada Jimcaha ka dhacay qarax ismiidaamin ah.
Qaraxan oo loo adeegsaday gaari waxyaabaha qarxa laga soo buuxiyay ayaa waxa uu ka dhacay Bar kontorool ee Ciidanka Nabad Sugiddu ku leeyihiin halka loo yaqaano Biyo dageenka taasoo lagu baaro gaadiidka ku sii jeeda garoonka aadan cadde iyo nawaaxigiisa.
Goob-joogayaal ah ayaa sheegay gaariga qarxay oo noociisu ahaa NOAH uu kaxeynayay nin isa soo miidaamiyay.
Gaariga qaraxa waday ayaa la sheegay inuu isku dayey xoog inuu ku jiiro barta control ee ciidanka nabad sugida balse gaariga ayaa qarxay markii ciidamada halkaas ku sugnaa ay rasaas ku fureen.
Warar soo baxaya ayaa waxay sheegayaan khasaaraha qaraxan ka dhashay inuusan badneyn, maadaama Ciidamada ay ka hortageen gaariga, keliyana waxaa ku dhintay ninkii gaariga kaxeynayay, iyadoo dhowr qof oo kale ay dhaawacyo fudud soo gaareen.
Laamaha amaanka dowlada Somalia ayaan ka hadlin qaraxan oo ku soo beegmay wax yar ka dib markii la furay isgoyska Km4 oo saaka loo xiray tartan orodo ah oo lagu qabtay wadada Maka Al-Mukarama.
Xafiiska Shabakada Allbanaadir.com
Muqdisho Somalia
Allbanaadir@live.com Â
