Dowladda Brazil ayaa iska diiday yabooh dhaqaale oo wadamada la isku yiraahdo kooxda G7 doonayeen inay wax kaga qabtaan keynta holcaysa ee Amazon.
Madaxwaynaha dalka Faransiika Emmanuel Macron oo marti galiyay shirka G7 oo Isniintii soo idlaaday ayaa ku dhawaaqay lacag gaaraysa $22 Milyan oo dollar.
Masuuliyiinta Brazil ma cadeynin sababta ay ku diidan yihiin lacagta loogu deeqay balse Madaxwayne Jair Bolsonaro ayaa Faransiiska ku eedeeyay inay ula dhaqmayso dalkiisa sidii gumayste.
Wasiirkiisa Gaashaandhigana waxa uu sheegay in aanan la xakamayn karin dabka ka holcaya kaynta Amazon.
“Macron waxa uu kari waayay inuu saadaaliyo gubashada kaniisad ka mid ah dhaxalka dunida, haddana waxa uu doonayaa in cashir siiyo wadankeena” ayuu yiri Madaxa shaqaalaha ee madaxwayne Bolsonaro.
Wadamada Canada, Faransiiska, Jarmalka, Talyaaniga, Japan, UK, iyo Mareykanka oo dhamaantood ka qayb galay kulanka G7 ayaa muujiyay walaacooda ku aadan gubashada kaynta Amazon.
Xafiiska Shabakada Allbanaadir.com
Muqdisho Somalia
Allbanaadir@live.com
